Për gazetarin Erl Murati, Mirel Mërtiri dhe Klodian Zoto janë biznesmenët e rilindje dhe njerëz të besuar të Partisë Socialiste.
Duke folur në Syri tv, gazetari Murati u shpreh se nuk habitet nga fakti që Elisa Spiropali ka mohuar njohjen me ta, sepse edhe Arben Ahmetaj më herët është shprehur se nuk i njeh.
“Nuk e di nga pikëpamja juridike, apo penale, që Elisa Spiropali ka kryer elementë të veprës penale, por nuk do shumë mend për të kuptuar se këta dy biznesmenë, janë biznesmenët e Rilindjes, të partisë dhe kanë pasur lidhje me shumë ministra, shumë prokurorë, me krerë institucionesh. Në disa raste kanë ushtruar presion, në disa raste kanë ndarë para. Këtu bëhet fjalë për njerëz të besuar. Nuk më çudit fakti që Spiropali mohon njohjen me ta, sepse kur ka arritur puna që njohjen me ta, e mohoi edhe vetë Arben Ahmetaj në komisionin parlamentar, kur tha që, e di se kush është, por nuk kam njohje me Klodian Zoton, ndërsa për Mirel Mërtirin tha se është një çështje që nuk i përket hetimit.
Minimalisht me Mirel Mërtirin ishte më Maqedoni, kur ndodhi aksidenti. Edhe Klodian Zoto dalin sepse ky njeri ka prenotuar vilat e tij, udhëtimet e tij. Çdo pushtet vepron me biznesmenët e tij, dhe duhet zbuluar përgjegjësia penale për veprimet e tyre. Më vjen mirë që prokurori thotë se hetimet vazhdojnë, pra që pritet të ketë dhe njerëz të tjerë që janë të implikuar në këtë histori’, tha Erl Murati
