Aldrit Oshafi nuk është më një futbollist i Teutës. Është vetë sulmuesi që njofton largimin nga durrsakët teksa me një postim në rrjete sociale i jep lamtumirën klubit.
“Përshendetje me këte postim dua t’ju njoftoj largimin tim nga skuadra e Teutës. Falenderoj presidencën te gjithë stafet dhe shokët që kemi punuar. Faleminderit për çdo gjë, me respekt Aldrit Oshafi!”, shkruan sulmuesi.
Oshafi luajti për 3 sezone me Teutën ku nuk pati shumë hapsira. Gjatë këtyre 3 sezoneve 23-vjeçari shënoi vetëm 1 gol në 28 ndeshje.
Kulmin e tij e ka patur me Tomorin kun ë 43 ndeshje shënoi 20 gola ndërsa më parë ka luajtur edhe me Besën e Luftëtarin.
