Studentët e Universitetit të Mjekësisë, kanë lajmëruar ditën e nesërme sërish protestë përpara Kuvendit, për të kundërshtuar projektligjin që ‘u mban’ peng diplomat për 5 vite me qëllim mos largimin e tyre nga vendi.
Lidhur me këtë ka reaguar edhe kryetari i Partisë Deokratike, Sali Berisha. Përmes një postimi në rrjete sociale, Berisha u bën thirrje gjimnazistëve dhe qytetarëve ti bashkohen protestës.
“Studentët e mjekësisë protestojnë nesër para parlamentit kundër ligjit anti-student të Edi Ramës. Ju bëj thirrje të gjithë studentëve, gjimnazistëve dhe qytetarëve të mbështesin kauzën e tyre të drejtë,” shkruan Berisha.
Protesta do të zhvillohet nesër në orën 9:00 përpara Kuvendit.
