Masat ajrore të qëndrueshme do të vijojnë ndikimin e tyre duke sjellë mot të kthjellët dhe të nxehtë në pjesën më të madhe të vendit.
Orët e pasdites dhe mbrëmjes do të sjellin kalime vranësirash të lehta nëpër territor,ku më të theksuara do të jenë në zonat malore Lindore. Sipas MeteoAlb, gjatë natës i gjithë vendi do të dominohet nga kthjellime dhe vranësira të pakta.
Temperaturat e ajrit do të mbeten kostante në mëngjes, por ulen lehtë në mesditë duke luhatur vlerat ditore nga 15°C deri në 36°C. Era do të fryjë e lehtë si në tokë dhe në det duke arritur shpejtësinë 28 km/h nga drejtimi kryesisht Perëndimor duke krijuar në brigjet detare dallgëzim të ulët.
