Në mbledhjen e sotme të grupit të Partisë Socialiste është diskutuar edhe kërkesa e SPAK për arrestimin e zv.kryeministrit Arben Ahmetaj.
Sipas raportimeve të mediave, grupi i PS ka deklaruar se nuk do bëhet mburojë apo pengesë për kërkesën e SPAK.
Lëvizje kjo që në fakt ishte e pritshme.
Kuvendi pas marrjes së kërkesës pritet të mbledhë brenda dy ditëve të ardhshme Këshillin për Mandatet.
Sipas gjasave, kërkesa do diskutohet këto ditë për t’ia kaluar seancës plenare të ditës së enjte, 13 Korrik.
