Një aksident me vdekje është regjistruar mbrëmjen e kësaj të hëne në aksin rrugor Elbasan-Librazhd.
Autoritetet policore bëjnë me dije se automjeti tip “Benz”, që drejtohej nga shtetasi Xh. A., 34 vjeç, ka përplasur një këmbësor, shtetasin O. B., 79 vjeç. Ky i fundit është transportuar me urgjencë në spital, por nuk ka arritur dot t’u mbijetojë plagëve të marra dhe ka ndërruar jetë.
Ngjarja ka ndodhur rreth orës 21:00, në fshatin Mengel. Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor në vendin e ngjarjes vijon veprimet hetimore për zbardhjen e plotë të rrethanave dhe shkakut të aksidentit
