Ministri i Jashtëm i Greqisë, Georgios Gerapetritis, ka folur sërish ditën e sotme mbi arrestimin e Fredi Belerit, i akuzuar për shit-blerje votash, në lokalet e 14 Majit.
Gjatë fjalimit të tij në Parlament, Gerapetritis është shprehur se Greqia do të bëjë të pamundurën për lirimin e Belerit, ndërsa ‘paralajmëroi’ se Shqipëria duhet të respektojë shtetin e së drejtës nëse dëshiron vërtet të bëhet pjesë e familjes evropiane.
“Greqia mbetet e përkushtuar ndaj zhvillimit, sigurisë dhe prosperitetit të Ballkanit Perëndimor dhe 20 vjet pas Samitit të Selanikut, do të vazhdojë të ndërmarrë iniciativa për të përshpejtuar rrugën evropiane të vendeve ballkanike. Sidomos në lidhje me Shqipërinë, do të bëjmë gjithçka që është e nevojshme për t’i dhënë fund ndalimit të përkohshëm të kryetarit të zgjedhur të Himarës, Fredi Beleris. Shqipëria duhet të respektojë rregullat e shtetit ligjor, nëse dëshiron vërtet të bëhet anëtare e familjes europiane”.
