Një automjet është përfshirë nga flakët teksa ka qenë në lëvizje.
Ngjarja ka ndodhur në afërsi të rrethrrotullimit të Saukut, ku ka marrë flakë në lëvizje e sipër dhe është djegur automjeti tip “Ford” me drejtues shtetasin U. S.
Fatmirësisht shoferi ka arritur të dalë në kohë dhe si pasojë e zjarrit ka vetëm dëme materiale.
Nga veprimet paraprake dyshohet se zjarri ka rënë si pasojë e një defekti në mjet.
Grupi hetimor po punon për përcaktimin e shkaqeve të rënies së zjarrit.
