Pesë gra janë filmuar duke u përfshirë në një përleshje brutale dhe të tmerrshme jashtë një picerie në Irlandë.
Gratë, nga veshja dyshohet se kishin qenë më parë në një club, dhe u përleshën dhunshëm me njëra tjetrën, teksa ende nuk dihet arsyeja.
Pamjet fillimisht tregojnë gratë të gjitha duke u rrëzuar në tokë, ndërsa grindja u shndërrua në një luftë të plotë. Njëra, e veshur me rozë, shihet duke tërhequr zvarrë një grua bjonde nëpër një rrugë të asfaltuar nga flokët e saj, ndërsa ajo nga ana e saj lufton njëkohësisht me një tjetër.
Një shikues i tronditur dëgjohet duke thënë: ‘O Zot, O Zot, O Zot’ teksa sheh sherrin”,- shkruajnë mediat e huaj.
Pasi i shkul flokët, zonja e veshur me rozë, më pas fillon ta shkelmojë gruan me flokë bjonde në kokë në mënyrë të përsëritur. Një burrë nxitoi të ndërhynte dhe i ndau.
Zhurma duket se ndalet për një moment e më pas dëgjohet një nga gratë ndërluftuese duke mërmëritur: ‘Kush je ti? Kush je ti?’
Por gratë më pas rindezin grindjen pasi gruaja me rozë shihet duke tërhequr njërën prej tyre përsëri në tokë. Burri që më parë ndau disa nga gratë përpiqet të ndalojë konfliktin nga përfshirja e mëtejshme, por pa dobi.
Ende nuk dihen shkaqet e këtij sherri brutal.
