Ka nisur ditën e sotme regjistrimet për klasat e 10-ta në sistemin e-albania.
Lajmin e ka bërë me dije ministrja e Arsimit, Evis Kushi përmes një postimi në rrjetet sociale. Kushi bën me dije se regjistrimet do të zgjasin deri më 20 korrik dhe formulari i regjistrimit plotësohet në bazë të vendbanimit.
“Të dashur nxënës dhe prindër. Tashmë në sistemin e-Albania kanë nisur regjistrimet e nxënësve në klasat e dhjeta për vitin shkollor 2023-2024, të cilat do të vazhdojnë deri në datë 20 korrik. Siç e dini, formulari i regjistrimit plotësohet në bazë të vendbanimit duke ndjekur procedurat e lehtësuara që zgjasin vetëm pak minuta, duke përjashtuar dorëzimin e dokumentacionit me prezencë fizike. Suksese të gjithë nxënësve në këtë cikël të ri arsimor!”-tha Evis Kushi.
