Një 34-vjeçar, i identifikuar si Dritan Korfuzi, është vënë në prangat e policisë së Vlorës për mashtrim.
Iriu nga Kuçova merrte automjete me qira ditore dhe nuk i kthente më. Sipas policisë, ai i merrte automjetet me qëllim që t’i shiste në pika skrapi.
Policia u vu në lëvizje pas denoncimeve të disa personave.
“Nga veprimet hetimore të kryera nga Policia ka rezultuar se shtetasi D. K. merrte në mënyrë të vazhdueshme, automjete me qira ditore, në subjekte që ofrojnë këtë shërbim, në qytetin e Tiranës, Vlorës dhe Sarandës, dhe mashtronte për kthimin e tyre sipas marrëveshjes.”, njoftoi policia.
Materialet i kaluan Prokurorisë për veprime të mëtejshme.
