Aldi Gjumsi është futbollisti më i ri i Teutës.
Lajmi është bërë i ditur nga vetë klubi përmes një postimi në rrjetet sociale.
21-vjeçari i është bashkuar menjëherë skuadrës në stërvitje.
Sulmuesi është një produkt i Akademisë së Tiranës, ku në vitet 2011-2020 ka kaluar në ekipet zinxhirë të bardhebluve përpara se të firmoste me ekipin e parë.
Gjatë tre viteve të fundit me kryeqytetasit, ai u aktivizua 47 herë duke shënuar edhe një gol.
Gjumsi është zyrtarizimi i tretë radhazi i klubit durrsak pas Realdo Filit dhe Arsid Krujës.
Postimi i plotë:
|WELCOME ALDI GJUMSI! 
|KF Teuta ka kënaqësinë të njoftojë se sulmesi anësor, Aldi Gjumsi është zyrtarisht pjesë e skuadrës sonë. Lojtari bashkohet me Teuten pasi, ishte pjesë e Tiranës në sezonin e fundit. Pas arritjes së marrëveshjes dhe zyrtarizimit të bashkëpunimit, Gjumsi, nga sot është bashkuar me skuadrën në Durres ku po zhvillohen përgatitjet për edicjoni e ri ne superlig. #miresevjenaldigjumsi
#forcateuta
