Një sherr raportohet të ketë ndodhur këtë të enjte në fshatin Borizanë të Krujës ku dy banorë janë dhunuar rëndë nga një grup personash.
Mësohet se shtetasit Bilbil dhe Jashar Maja, janë rrahur me shkopin nga persona që sipas tyre i përkasin fisit “Rraja”.
Ngjarja ka ndodhur për shkak të gurores që ndodhet në këtë zonë, dhe pas denoncimeve që këta banorë kanë bërë shpesh.
Banorët janë ankuar për guroren në zonë, për shkak të shqetësimeve që u ka shkaktuar, duke u dëmtuar edhe banesat.
Ndërkohë njëri prej të plagosurve ndodhet në gjendje të rëndë.
