Ish-deputeti socislist Alqi Bllako ka dhënë dëshminë e tij para GJKKO, për akuzën për inceneratorin e Elbasanit.
Raportohet se Bllako ka kërkua pafajësi para togave të zeza.
“Jam i pafajshëm. Në cilësinë e sekretarit të përgjithshëm të ministrisë nuk kam pasur rol në zgjedhjen e anëtarëve të komisionit të vlerësimit të ofertave. Kam pasur rolin e zyrtarit që kryente vetëm shkresa përcjellëse mes institucioneve”, ka thënë Bllako.
Në seancën e mëparshme për pretencën, SPAK kërkoi 4 vite burg për ish-deputetin e Partisë Socialiste, Alqi Bllako (2 vite e 8 muaj me gjykim të shkurtuar).
Sipas dosjes hetimore, Bllako ka shkëmbyer e-maile nga adresa private me administratorin e kompanisë “Alb tek energy”, Klodian Zoto.
Përmes Mirel Mërtirit, ai e informonte Zoton mbi procedurën e dhënies me koncension të inceneratorit të Elbasanit, duke i përcjellë e-mail e zyrtarëve të ministrisë së Mjedisit mbi procedurat që duhet të ndiqte për të fituar të drejtën e ndërtimit të djegësit.
Shkëmbimi i e-maileve është realizuar në kohën kur Bllako ushtronte detyrën e sekretarit të përgjithshëm në Ministrinë e Mjedisit dhe prokuroria ka dyshime se ish-deputeti të ketë paracaktuar garën duke shpallur fituese kompaninë që përfaqësohej nga Zoto.
