Ish deputeti i Partisë Demokratike, Aldo Bumçi, ka komentuar ditën e sotme turin e Ramës në Ballkan.
I ftuar në Faxnews, Bumçi u shpreh se ky tur nuk ka asnjë legjitimitet dhe se Rama ka nevojë për protagonizëm.
Ndër të tjera Bumçi u shpreh se Rama nuk mund të marr përsipër të flas për krizën në veri të Kosovës, pasi Kosova ka qeverinë e saj.
“Dicka tjeter interesi i Shqipërisë dhe rajonit dhe dicka tjetër hallet e Ramës dhe nevoja për protagonizëm. Ky tur nuk ka asnjë legjitimimin, nuk kuptohet pse bëhet, cili është synimi i turit. Nuk ka asgjë të qartë.
Të marr përispër të flas për krizën. Kosova ka qeverinë e saj, nuk mund të flas Edi Rama për Kosovën. E ka bërë dy herë pa u konsultuar me qeverinë e Kosovës.
“Ballkani i Hapur” ishte një projekt që përjashtonte BE, Kosovën, Malin e Zi e Bosnjen, ishte një projekt që fuqizonte Serbinë. Kundër këtij projekti ishte Kosova, Be dhe vendet e rajonit.
Cfarë ka përfituar Shqipëria nga ky projekt. Edhe diplomat e universiteteve shqiptare nuk njihen në Serbi.
Në këtë projekt i dha pikë zotit Vucic, si një njeri që ndërton paqe, të izolonte Kosovën dhe ta paraqiste Vucic si një njëri që bashkëpunon shumë mirë me Ramën por se nuk ishte faji i tij nëse nuk bashkëpunonte me kryeministrat e Kosovës.
Kritikoi Haradinajn si kryeministër, edhe Kurtin, si dhe ka krijuar tensione edhe me kryeministrat e tjerë”- tha ndër të tjera Bumçi.
