Dy shqiptarë janë dënuar me nga 20 muaj burg secili në Britani, pasi janë kapur në një fermë kanabisi.
Ata janë Indrit Balliu, 31 vjeç dhe Fatjon Tarja, 32 vjeç, të cilët sipas mediave britanike, kanë shkuar në shtetin ishullor në mënyrë të paligjshme.
Dyshja shqiptare u arrestuan më 27 prill në Bangor. Në momentin që në vendngjarje mbërrin policia, Balliu dhe Tarja tentuan të arratiseshin nga pjesa e pasme e ndërtesës, por pa sukses.
Raportohet se para se të bëhej pjesë e rrjetit të trafikut të drogës, Balliu fillimisht ka punuar në një lavazh makinash, ndërsa Tarja ka punuar edhe më herët në rritjen e kanabisit.
