Deputeti socialist Pandeli Majko tha se ndihej keq kur shikon që në burg përfundonin përfaqësues të politikës së majtë.
Ndërsa ka marrë fjalën në Kuvend, pas paraqitjes së raporteve vjetore nga institucionet e drejtësisë, Majko tha se raportuesit e sotëm në Kuvend janë përfaqësues të shpresës publike për zbatimin e ligjit duke nisur nga vetë salla e Parlamentit.
Ai kujtoi se mazhoranca e ka ‘provuar në kurrizin e saj shkopin e drejtësisë së re’ duke mos e fshehur zhgënjimin se kjo drejtësi deri më tani ka parë vetëm majtas.
“Mos prisni që t’u them që ndihem mirë kur shoh përfaqësues të politikës së majtë në burg. E vërteta është që ndihem keq. Por më keq ndihem kur përballem me pyetjen se mos vallë në këtë vend vetëm të majtët e shkelin ligjin?”, tha Majko.
