Një aksident automobolistik është regjistruar mëngjesin e kësaj të diele në Tiranë.
Autoritetet policore bëjnë me dije se shtetasi P. R., duke drejtuar urbanin e linjës së Unazës, është përplasur me motorin me drejtues shtetasin H. Gj.
Si pasojë e aksidentit ka mbetur i plagosur një i mitur 12 vjeç, i cili ndodhej pasagjer në motor. Ai është transportuar në spital dhe ndodhet në kujdesin e mjekëve. Ngjarja ka ndodhur rreth orës 08:45, në rrugën “Ferit Xhajko”.
Grupi hetimor po punon për sqarimin e rrethanave të aksidentit.
