Ka qenë aktiv gjatë gjithë natës zjarri që përfshiu fushën e mbetjeve në qytetin e Vlorës.
Forcat zjarrfikëse kanë qenë në vendngjarje në përpjekje për të shuar flakët, ndërkohë që e gjithë zona përreth fushës së mbetjeve është mbuluar nga tymi dhe era e keqe.
Përveç forcave zjarrfikëse në fushën e mbetjeve kanë shkuar edhe 4 fadroma për hedhjen e dherave dhe izolimin e flakëve.
Zjarri është ende i përmasave të konsiderueshme, teksa shtëllunga të mëdha tymi ngrihen në ajër.
