Një 30-vjeçar shqiptar është arrestuar ditën e sotme në Angli, pasi akuzohet për posedim të lëndëve narkotike.
Në pranga ka rënë shtetasi Denis Lami pasi gjatë kontrollit fizik në makinën që ai drejtonte i kanë gjetur 51.65 gram kokainë. Lami u ndalua nga policia teksa ishte duke udhëtuar me një veturë Citroen në të cilën pasagjer ishte miku i tij Valter Kabilo.
Kabilo posedonte një pako me 51.65 gram kokainë me vlerë 2400 £. Të dy kishin qenë në kontakt telefonik gjatë udhëtimit të tyre me një tregtar të dyshuar droge.
Mediat e huaja shkruajnë se shqiptari kishte shkuar në Angli në vitin 2020 në rrugë të paligjshme, dhe punonte si pastrues në një kantier pastrimi.
Gjatë marrjes në pyetje, Lami mohoi akuzat për trafik droge, dhe se nuk e dinte që në makinë kishte kokainë. Ai tashmë ndodhet në paraburgim, në pritje të dhënies së masës së sigurisë nga autoritetet.
Burimi: Exmouthjournal.co
