Një aksident i rëndë raportohet të ketë ndodhur në Kretë, ku një 38-vjeçar shqiptar, teksa po kryente punime ndërtimi ka rënë nga skelat.
Ngjarja ka ndodhur në zonën Koumbe të Rethymno-s, e si pasojë, ai ka mbetur i plagosur rëndë.
Mediat e huaja shkruajnë se shqipatri është dërguar në spitalin e Chanias, për ndihmë mjekësore, ndërsa gjendja e tij raportohet kritike.
“Një tjetër koleg ndërtues u plagos rëndë në një kantier pune në zonën e Koumbe në perëndim të qytetit të Rethymnon. Kolegu me prejardhje shqiptare, tridhjetë e tetë vjeç, baba i dy fëmijëve, ishte duke punuar në skelë kur ajo u shemb, duke bërë që ai të rrëzohet përtokë dhe të plagoset rëndë. Ai u dërgua në Spitalin e Chanias ku po trajtohet në reanimacion.
Që nga fillimi i vitit, vetëm në sektorin e Ndërtimit, numërohen 18 të vdekur. Bëhet fjalë për kthimin e vendeve të punës në të gjithë vendinnë një arenë të madhe vdekjeje. Jeta e punëtorit nuk ka vlerë për pushtetarët. Askush nuk shqetësohet të kontrollojë se në çfarë kushtesh punojnë mijëra ndërtues, në çfarë kushtesh, çfarë masash sigurie, çfarë përshtatshmërie janë makinat e tyre të punës”,- njofton Sindikata e Ndërtuesve dhe Tregtisë në Rethymnon.
