Personi në foto është Artan (Marius) Tafani, i identifikuar nga hetuesit si personi që kreu grabitjen e pikës së këmbimit valutor në Tiranë, katër ditë më parë.
Grupi hetimor ka arritur të gjurmojë lëvizjet e 39-vjeçarit para dhe pas krimit përmes kamerave të sigurisë. Burime thanë se ai ka lëvizur me biçikletë dhe me taksi, ndërsa ka qenë vetë 39-vjeçari që ka dërguar rrobat dhe materialet e tjera në garazhin e 35-vjeçarit Enio Mecaj, të cilat i ka pasur veshur ditën e grabitjes.
Gjatë kontrollit në garazh u gjet dhe një makinë e vjedhur në Shijak, ngjarje që kishte mbetur e pazbardhur, për të cilën dyshohet paraprakisht se autorë janë Tafani dhe Mecaj, megjithatë ende nuk është ngritur akuzë ndaj tyre për këtë episod.
Artan (Marius) Tafani rezulton i dënuar më herët për grabitje. Më 12 Korrik 2015, në Lushnje u grabit me armë zjarri një dyqan Wester Unionit në lagjen “Loni Dhamo”. Referuar raportimeve të kohës, u morën 4 mijë euro. Gati një muaj pas ngjarjes ngajrjes, policia arrestoi si autor Artan Tafanin. Për grabitjen u vu në pranga edhe Ersant Dervishi.
Lexo edhe:
Grabitja në Tiranë/ Identifikohet autori, arrestohet personi që e ndihmoi – VIDEO
