Kristjan Asllani nuk do të huazohet.
Aktualisht lojtari nga Elbasani është me pushime në Shqipëri, por në Appiano Gentile ku po ndërtohet strategjia e sezonit të ardhshëm, ai merr lajme pozitive.
Sipas “Gazzetta dello Sport”, Asllani do të qëndrojë te Interri sepse tani është ai njeriu që do t’i japë frymëmarrje turkut Calhanoglu.
Largimi i Brozovic e ka bërë Inzaghin të mendojë një rol lideri për të riun shqiptar, i cili këtë sezon pritet të ketë më shumë minuta dhe me siguri do të jetë në qendër të projektit zikaltër.
