Presidentja e Komisionit Europian, Ursula von der Leyen bën me dije se ka zhvilluar një bisedë me kryeministrin e Kosovës Albin Kurti.
“Fola me Albin Kurtin këtë mëngjes. Theksova nevojën urgjente për çpërshkallëzim dhe kthim në dialogun e lehtësuar nga BE-ja për normalizimin e marrëdhënieve me Serbinë”, shkruan von der Leyen në një postim në Twitter.
“Do të flas me presidentin Vuçiç më vonë sot”, shton ajo.
Më herët, Ursula von der Leyen shkroi se zhvilloi një takim me kryeministrin Edi Rama.
“Takimi shumë i mirë me Edi Ramën. Diskutuam për progresin në rrugën e anëtarësimit të Shqipërisë në BE dhe planin tonë të ri të Rritjes për Ballkanin Perëndimor. Kjo do të afrojë rajonin dhe BE-në dhe do të nxisë prosperitetin e partnerëve tanë”, shkroi Ursula von der Leyen.
Një takim i kryediplomatëve të vendeve të BE u zhvillua një ditë më parë në Bruksel, ku u diskutua për çështjen në Kosovë.
