Kryeministri i Kosovës, Albin Kurti, i ka bërë thirrje Serbisë “që t’i ndalojë menjëherë nxitjet për dhunë para se të ketë humbje jete”.
Kjo thirrje e Kurtit vjen pasi të hënën u sulmua me granta dore objekti i komunës së Mitrovicës së Veriut.
“Mbrëmë ndërtesa e komunës së Mitrovicës së Veriut është sulmuar me 2 granata dore, duke shkaktuar dëme në veturat që ndodheshin afër. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndalë nxitjet për dhunë para se të ketë humbje jete”, shkruan Kurti.
