Autoritetet italiane kanë arrestuar ditën e sotme 6 persona pasi janë kapur duke punuar në një serë me kanabis.
Mediat italiane shkruajnë se arrestimi është kryer në kuadër të një operacioni të zhvilluar midis Teorës dhe Lionit, ku karabinierët gjetën tre sera artificiale me 453 bimë kanabis në kultivim, secila prej 1.5 metra të lartë.
Disa prej tyre (49) ishin tashmë në fazën e tharjes, me 800 gramë marijuanë gati për ambalazhim.
Brenda u gjetën 6 persona dhe të gjithë të arrestuar: babë e bijë, me origjinë napolitane por me banim në Lioni, dhe katër shtetas shqiptarë.
Në kuadër të këtij operacioni janë sekuestruar më shumë se 2500 bimë kanabisi.
