Mbrojtësi shqiptar, Visar Musliu, sezonin e ri do të luaj në Bundesliga 2.
Futbollisti nga Gostivari, i cili është pjesë e përfaqësueses së Maqedonisë së Veriut, është prezantuar sot nga skuadra e re, Paderborn, tek të cilët transferohet nga ekipi i Ingloshtandit.
Musliu me drejtuesit e skuadrës së Paderbornit ka firmosur kontratë dy vjeçare me opsion rinovimi edhe për një vit tjetër. Interesant është fakti se në prezantimin e Musliut te Paderborn në krahë qëndron Fisnik Nuhiu, ish-drejtori sportiv i KF Renova.
Visar Musliu gjatë karrierës së tij ka luajtur edhe për Fehervarin, Shkëndijën, Vardarin, Renovën e Gostivarin. Me Ingloshtadin këtë sezon në Ligën e 3-të, Musliu u aktivizua 25 ndeshje.
