Janë zbardhur detaje nga aksidenti i trefishtë që ka ndodhur pasditen e sotme në superstradën Lezhë-Shkodër, ku si pasojë janë plagosur disa persona.
Mjeti tip “Ford” ku ndodheshin dy gra po futej në rrugën dytësore për në fshatin Gocaj dhe për këtë arsye mjeti tip “Opel” që ndodhej përballë i ka dhënë përparësi duke u ndaluar.
Në këtë moment makina tip “Opel” është goditur pas nga një kamion qe solli edhe përplasjen me autoveturën tjetër tip “Ford”.
Goditja fatmirëisht ishte e lehtë duke mos shkaktuar lëndime serioze për drejtuesit e dy autoveturave dhe pasagjerët e tyre.
Sakaq, aksidenti ka shkaktuar trafik në rrugë, ndërsa mjetet janë detyruar të përdorin segmentin dytësor të rrugës Kallmet-Lezhë.
