Alma Kaçi është shoqëruar nga policia drejt banesës së saj pas përfundimit të seancës gjyqësore në GJKKO, ku ndaj saj u vendos masa e sigurisë arrest shtëpie për veprën penale të korrupsionit aktiv.
Në fotot e shkrepura nga LSA, ajo duket sërish me një çantë shpine në duar të cilën e mban para fytyrës për të mos u fotografuar. Alma mban edhe një kapele në kokë me numrin 69.
Avokatja e Alma Kaçit, në një prononcim për mediat pas vendimit të Gjykatës, tha se ajo ka një fëmijë të mitur dhe nënën e sëmurë si dhe është personi i vetëm që siguron të ardhura, ndaj kërkoi të hetohej e lirë. Ajo theksoi se klientja e saj nuk ka tentuar të largohet dhe nuk ka bashkëpunëtorë.
“Ka një fëmijë të mitur dhe nënën e sëmura ndaj kërkova të ishte pa masë fare. Është i vetmi person që sjell të ardhura në shtëpi. Gjykata nuk pranoi, do vijojë hetimi në këtë masë. Nuk ka bashkëpunëtorë absolutisht. Nuk ka tentuar të largohet, ka një fëmijë”, tha avokatja Velia.
Lexo edhe:
Në pranga për korrupsion pas video-skandalit, GJKKO lë në burg Safet Gjicin – Dëshmitë
