Një burrë kërkoi në emisionin “1 herë mat” në E Diell investigimin e bashkëshortes së tij doktoreshë tek Urgjenca.
“Ka 10 vite që punon atje, ka qenë shumë e rregullt me oraret, ka qenë shumë e përkujdesur për familjen. Vitet e fundit e shoh të ftohtë, të shpërqëndruar. Kam dyshimet e mia,” tha klienti.
Pas investigimit 3-ditor të ekipit të Shkënda Lilit, nga fotografitë që u morën nuk u pa asnjë lëvizje e dyshimtë e bashkëshortes. Dhe duke qenë se klienti mbeti i pakënaqur, investigimi vazhdoi edhe për ditë të tjera.
Ekipi investigativ, e ndoqi bashkëshorten e klientit e cila u ul në një restorant në periferi të Tiranës me kolegun e saj me të cilin pinte kafe çdo ditë.
Ata u fotografuan duke i kapur dorën njëri-tjetrit dhe më pas duke u ngjitur në hotel. Sapo klienti pa këto foto njohu makinën e anestezistit.
“Ne kemi hyrje-dalje me këtë zotërinë, uaaa vetëm këtë nuk e prisja. Normal që e njoh, këto kohët e fundit me thënë të drejtën nuk jemi takuar shumë familjarisht. Po kalamajtë shoqërohen me njëri-tjetrin. Nuk më iket më në shtëpi, a do më ndihmoni dhe ju të përballem me të? Kam nevojë për një psikolog,” thotë klienti.
