Një incident është raportuar në Delvinë, ku Drejtori i ‘Delvina gaz’ u dhunua barbarisht nga 5 persona.
Edhe pse ky i fundit ndodhet prej 3 ditësh në gjendje të rëndë në spitalin e Sarandës, Policia ende nuk kishte reaguar mbi rastin.
Mediat raportuan se Policia tentoi të fshehë ngjarjen, por pamjet e dhunimit të bëra virale tashmë në rrjet, kanë sjellë dhe reagimin e bluve.
Këta të fundit bëjnë me dije se sherri nisi për shkak të përplasjes së automjeteve me dëme materiale, ndërsa njoftojnë se ka nisur procedimi për shtetasit, Bledi dhe Anis Ali, të përfshirë në ngjarje.
Njoftimi i policisë:
Delvinë
Specialistët për Hetimin e Krimeve në Komisariatin e Policisë Delvinë referuan materialet në Prokurori dhe proceduan në gjëndje të lirë shtetasit B. A., 44 vjeç dhe djalin e tij të mitur E. A., 17 vjeç, pasi në bashkëpunim me njëri tjetrin, për motive të dobëta (konflikt i nisur nga një përplasje e automjeteve me dëme materiale), kanë goditur me sende të forta shtetasin K. Dh., 54 vjeç, banues në Gjirokastër.
Materialet procedurale i kaluan Prokurorisë, për veprime të mëtejshme
