Juventus kërkon të hedhë pas shpine sezonin e dështuar. Kualifikimi në Conference League tregon se skuadra nuk ka arritur objektivat dhe tashmë synimi është spastrimi i ekipit nga elementë të panevojshëm.
Mediat italiane bëjnë me dije se bardhezinjtë kanë në listën e zezë katër lojtarë, prej shitjes së të cilëve do synohet arkëtimi i 50 milionë eurove. Bëhet fjalë për futbollistë si Denis Zakaria, Weston McKennie, Arthur dhe Alex Sandro.
Në këto mënyrë, klubi nga Torino do vetë-financonte afrimin e dy lojtarëve të rëndësishëm. Juventus nuk po kalon një periudhë aspak të mirë, teksa edhe vetë qëndrimi i trajnerit Allegri është në dyshim.
