Avokati i Safet Gjicit Përparim Kulluri ka thënë se nuk do e pranojnë akuzën “korrupsion pasiv”, pasi sipas tij vepra penale nuk është konsumuar.
“Ne nuk e pranojmë akuzën pasi çdo veprim i tij është shumë i dënueshme moralisht. Nuk ka asnjë vepër penale. Vepra penale nuk është kryer nuk është shpallur asnjë tender”, tha ai për mediat.
“Pra vepra penale nuk është konsumuar ajo ka qenë një bisedë pas aktit ku vajza thotë që ka një projekt dhe konsumon një bisedë me Gjicin por nuk ka asnjë vendim në lidhje me këtë projekt që të jetë marrë nga bashkia. Sot i është komunikuar akuza pas tre ditësh do të merret vendimi se si do vijojë procedura për Gjicin gjatë kësaj kohe do të qëndroj në paraburgim. Kërkesa jonë është që të ndiqet në gjendje të lirë sepse nuk ka vepër penale në fakt as nuk duhet të ndiqet fare penalisht. Është një vepër morale për të cilën ka dhënë dorëheqjen”, shtoi.
Ish-kryebashkiaku i Kukësit Safet Gjici është arrestuar pasditen e sotme në Tiranë, një javë pas publikimit të një video-skandali seksual, ku shfaqej duke kryer marrëdhënie seksuale me një grua më të re në moshë se ai, në zyrën e punës. Më pas në media u publikuan të tjera pamje që tregonin se si Gjici i premtoi vajzës në fjalë një projekt për firmën e saj nga Bashkia Kukës. Arrestimi dhe akuza e ngritur nga SPAK për korrupsion pasiv ndaj Gjicit lidhen me këtë ngjarje.
