Gjykata e Durrësit ka liruar nga burgu ditën e sotme shtetasin Indrit Uka, duke i caktuar masën e sigurisë “arrest shtëpie”.
Uka, 24 vjeç, u arrestua tre ditë më parë, nën akuzën për “shkelje të rregullave të qarkullimit” pasi për shkak të shpejtësisë, përplasi për vdekje me makinë studenten 22-vjeçare Erisa Aliaj, mbrëmjen e së martës. Vendimi për lirimin e tij nga burgu e ka marrë gjykatësi Olti Skrame, teksa prokurore e çështjes është Medina Meta.
Erisa Aliaj me origjinë nga Tropoja, përveç studimeve, ishte dhe e punësuar në një fasoneri dhe në momentin kur u përplas nga makina po kthehej nga puna dhe ishte futur për të blerë ushqime në një market të lagjes.
Pasi ka përfunduar shpenzimet në market, ajo ka dalë për të kaluar rrugën për në banesën e saj, teksa nuk ka kaluar ne vijat e bardha, por afërsisht 100 metra poshtë tyre ku edhe është aksidentuar.
Indrit Uka ka deklaruar ne polici se semafori ka qene i hapur për të kaluar makinat dhe i ka dhënë gaz me shpejtësi mjetit për te vazhduar rrugën ndërkohë që nuk ka parë vajzën e cila ka dale menjëherë nga trotuari dhe nuk ka pasur mundësi te frenonte.
Shpejtësia e lejuar në këtë zonë është 40 km/orë, ndërkohë që rruga është e pajisur me semaforë, ndriçim dhe sinjalistikën përkatëse.
Për shkak se rruga ka pemë të llojit rrap, me lartësi të konsiderueshme, në zona të ndryshme ndriçimi nga shtyllat është bllokuar prej gjelbërimit dhe gjate natës bëhet e vështirë te dallosh lëvizjet e këmbësoreve në këtë segment.
Erisa Aliaj me origjinë nga Tropoja përveç studimeve ishte edhe e punësuar dhe në momentin kur u përplas nga makina po kthehej nga puna. Për ngjarjen e rëndë ka shkruar edhe Eva Allushi, njëra prej pegadogeve të së resë, e cila shpreh dhimbjen dhe revoltën për ndarjen e parakohshme nga jeta të studentes së saj.
