Një 23-vjeçar nga Mallakastra është arrestuar nga policia tre ditë më parë, pasi akuzohet se ka kryer marrëdhënie seksuale me një 12-vjeçare nga Përmeti, duke e lënë dhe shtatzënë këtë të fundit.
Burime bëjnë me dije se ngjarja ka ndodhur disa muaj më parë, ku 23-vjeçari dhe minorenja kanë patur raport intim me njëri-tjetrin.
Mësohet se 40 ditë pas marrëdhënies seksuale, 12-vjeçarja ka ndjerë shqetësime në trup dhe ka lajmëruar menjëherë babain e saj, që e kishte në Greqi dhe vetë jeton me gjyshen.
I ati e ka çuar 12-vjeçaren për kontroll në spitalin e Përmetit dhe aty ka mësuar se ajo ka qenë shtatzënë në muajin e dytë. Vetë fëmija ka treguar emrin e personit që kishte pasur raporte me të e më pas policia e Përmetit ka bërë arrestimin në flagrancë të tij.
Nuk dihet nëse raporti intim ka qenë në kushtet e përdhunimit apo të dëshirës së vetë minorenes. Burimet konfirmojnë se 23-vjeçari mallakastriot, identiteti i të cilit ende nuk dihet, dyshohet se është autor edhe i disa grabitjeve të ndodhura në qytet kohët e fundit.
