Mario Rabiu është lojtari i radhës që afrohet në klubin e Skënderbeut.
Mësohet se korçarët kanë arritur akordin me mesfushorin nigerian, i cili pritet të zyrtarizohet ditët e ardhshme.
23-vjeçari ka gjetur marrëveshjen me presidentin Ardjan Takaj dhe mund të konsiderohet si futbollisti më i ri i bardhekuqve.
Rabiu është aktivizuar kryesisht në Nigeri dhe më tej në futbollin italian, duke qenë pjesë e Seria C dhe B. Sezonin e fundit ka qenë pjesë e skuadrës së Viterbese në Seria C. Rabiu luan si mesfushor para mbrojtjes. Pra është lojtari që bën lidhjen e fazës difensive me mesin e fushës.
Trajneri Ivan Gvozdenoviç i ka idetë e qarta për sezonin e ri teksa ka paralajmëruar se Skënderbeu nuk do të jetë thjeshtë kalimtar në elitën e futbollit shqiptar.
