Enkelejd Alibeaj thotë se deklaratat e Gazment Bardhit, se mbledhja e këshillit të PD-së së vulës nuk ishte e vlefshme për mungesë kuorumi, nuk janë të sakta.
Sipas tij, mbledhja e kryesisë së partisë ku u morën vendime lidhur me zhvillimin e një procedure zgjedhore që më me shumë gjasë do të rikthejë Lulzim Bashës si kryetar, kishte kuorum.
Për Alibeajn dhe Bashën, kryetari i PD-së Sali Berisha thotë se janë pengje të kryeministrit Edi Rama.
Ndërsa Alibeaj, në një prononcim për gazetarët jashtë sallës së kuvendit ku këtë të enjte zhvillohet seanca plenare e radhës, tha se është njeri i lirë.
Edhe pse procedurat për caktimin e 27 korrikut nga grupi i tij brenda partisë si data e zgjedhjeve cilësohet gjerërisht si një skenar që Basha të rimarrë drejtorimin e partisë, Alibeaj i mohon këto zëra.
“Nuk ka qenë aspak një proces që i shërbente Lulzim Bashës”, tha ai.
