Video-skandali i ish-kryebashkiakut të Kukësit, Safet Gjici, i cili kryente marrëdhënie seksuale në zyrën e tij me një 40-vjeçare, në këmbim të dhënies së projektit të sterilizimit të qenëve, ka bërë jehonë edhe në mediat e huaja, të cilat e kanë raportuar më së shumti si një lajm “rozë”.
Ky lajm është raportuar edhe media greke “Protothema.gr“, e cila duke iu referuar mediave shqiptare shkruan se ai kishte zili dhe presidentin amerikan Bill Clinton.
Artikulli i plotë:
Kryebashkiaku i sapozgjedhur i Kukësit, Safet Gjici, në Shqipërinë verilindore ka dhënë dorëheqjen nga posti i tij, pas publikimit të një videoje rozë që e shfaqte atë duke bërë seks në zyrën e tij, në bashkinë e qytetit të vogël. Videoja rozë , e cila u shpërnda me shpejtësi përmes WhatsApp-it, tregonte ish-kryebashkiakun të dashuruar me një të re, me të cilën ai zbuloi se është në një lidhje. Në njoftimin e tij, ai foli për kurth nga kundërshtarët politikë, të cilët iu hakmorën – sipas pretendimeve të tij – për rizgjedhjen e fundit.
“I kërkoj një falje të madhe publikut dhe kujtdo që e pa këtë video të shëmtuar sot. Pas një fushate të vështirë dhe përballjes me kundërshtarët e mi, nga i cili dola fitimtar, për fat të keq rashë viktimë e një kurthi të përgatitur me kujdes nga vetë ata që u përballa në zgjedhje. Këtu arritën të bëjnë në një formë tjetër të pistë atë që nuk mundën ta bënin me votën e kuksianëve. Më vjen shumë keq për incidentin dhe e kam më se të qartë se në këtë situatë nuk ka asnjë vlerë asnjë lloj shpjegimi. Prej disa kohësh jam në një lidhje të ngushtë me vajzën në fjalë, por sigurisht që nuk kam asnjë justifikim për atë që ka ndodhur. Unë nuk mund të jem më personi që punoj në këtë zyrë qeveritare,”- tha Gjici, i cili – sipas mediave shqiptare – e kishte zili lavdinë e Bill Clintonit.
Ish-kryebashkiaku i Kukësit, 51-vjeç, është biznesmen dhe CEO i EuroGjici Security dhe Kevin Construction. Ai është gjithashtu president i klubit shqiptar të futbollit FK Kukësi të Superligës Shqiptare.
