Pas takimeve me kryeministrin dhe presidentin e Hungarisë në Paliq, presidenti serb Aleksandër Vuçiç, ka refuzuar të bisedojë me kryeministrin e Kosovës, Albin Kurti, për uljen e tensioneve dhe normaliimin e situatës në Veri.
Vuçiç, u shpreh se nuk nuk do të bisedojë me Kurtin derisa të lirohet çdo serb i arrestuar dhe derisa të tërheqë policinë speciale në veri
Nga ana tjetër kryeministri hungarez, Viktor Orban u shpreh se vendi i tij po i ndiqte ngjarjet në Kosovë dhe po shihte se çfarë po u bëhej serbëve, por ai i tha Vuçiçit se Serbia duhet të lironte tre policët e arrestuar të Kosovës.
Aleksandër Vuçiç ka theksuar kushtet për bisedën me Kurtin dhe ka thënë se atëherë duhet të diskutohet për formimin e Asociacionit.
