Ambasadorja Yuri Kim dhe ministrja e Jashtme Olta Xhaçka duket se ia kanë lënë të shkuarës përplasjen që patën mes tyre disa muaj më parë dhe janë shfaqur të buzëqeshura përkrah njëra-tjetrën.
Xhaçka postoi në rrjetet sociale disa foto me ambasadoren Kim në rrjetet sociale. Një takim është zhvilluar me të dyjave që sipas ministrisë së jashtme është “takimi i lamtumirës” mes ministres dhe ambasadores, e cila është në ditët e fundit të detyrës në vendin tonë.
Kryediplomatja e cilëson ambasadoren “një mike të mirë”.
2/2 I wish her all the best in her new, important mission, certain that our paths will cross again in the future.
🇦🇱🤝🇺🇲 pic.twitter.com/COW1oBsMvX— Olta Xhaçka🇦🇱 (@xhacka_olta) June 19, 2023
“Mikprita sot Ambasadoren Yuri Kim në vizitën e saj të fundit si Ambasadore e Shteteve të Bashkuara të Amerikës në Shqipëri. Është e trishtueshme të shohësh një mike të mirë të largohet. Kemi punuar shumë së bashku për avancimin e marrëdhënieve midis dy vendeve tona dhe i jemi mirënjohës Yurit që me zemër ka punuar për interesin më të mirë të Shqipërisë. I urova gjithë të mirat në misionin e saj të ri e të rëndësishëm. E sigurtë që rrugët tona do të kryqëzohen sërish në të ardhmen”, shkruan Xhaçka në Twitter, ku përdor hashtagun #krahpërkrah.
Në një prej fotove duken duke u buzëqeshur njëra-tjetrës, me ministren që i hedh dorën në shpatull ambasadores, ndërsa kjo e fundit ia shtrin rreth belit.
Një imazh shumë ndryshe nga ai i muajve të dimrit, kur publikisht marrëdhënia mes Xhaçkës dhe Kim dukej e ftohtë. Përplasja në distancë nisi kur Ministria e Jashtme e drejtuar nga Olta Xhaçka deklaronte se kishin nisur procedurat e zëvendësimit të ambasadores amerikanë në Tiranë, Yuri Kim. Media shtetërore amerikane në gjuhën Shqipe “Zëri i Amerikës” do të raportonte se deklarata ishte në shkelje të praktikave diplomatike. Pati replika dhe kundër-replika, ndërsa përplasja u cilësua gjerësisht si një mosdakordësi mes qeverisë së drejtuar nga Rama dhe Kim për prokurorin që do të merrte drejtimin e SPAK.
Ndërkohë, ish-kryeministrisë Sali Berisha deklaroi disa javë më parë, se kjo përplasje ishte një skenar që kishte si qëllim shtyrjen e mandatit të ambasadores në vendin tonë.
1/2 Welcomed today 🇺🇲Amb.Yuri Kim @USAmbAlbania in her last visit as Ambassador of the 🇺🇲 to #Albania. It is sad to see a good friend go. We have worked so hard together to advance relations btw our countries & I am grateful to Yuri for having 🇦🇱’s best interest at heart. pic.twitter.com/oAtNq9DLFa
— Olta Xhaçka🇦🇱 (@xhacka_olta) June 19, 2023
