Eksperti i energjitikës, Azmer Duleviç ka denoncuar skandalin me shitjen e mbiprodhimit të energjisë elektrike nga KESH.
Përmes një postimi në rrjetet sociale, Duleviç bën me dije se sot KESH ka shitur 1704 MWH me çmim 69€/MwH, 21.58 € më pak se çmimi i bursës shqiptare dhe me 50.86€ më pak sesa çmimi në bursën austriake, e cila është çmimi më i ulët që po shitet energjia.
Ndërkohë, më 25 Maj, kryeministri Edi Rama paralajmëroi nga foltorja e Kuvendit se do të rivendoset sërish fasha për rritjen e çmimit të energjisë, me arsyetimin se gjatë verës, do të rritet konsumi, por ndërkohë KESH po shet energjinë e mbiprodhimit me çmim skandal.
“Po ju kujtoj të gjithëve atyre që na ndjekin se sot vazhdon që në faturën e energjisë elektrike për të gjitha familjet dhe biznesin e vogël dhe pjesën dërrmuese të biznesit, të jetë dora e qeverisë. Ajo që paguajnë familjet, nuk është vlera reale e faturës. Familjet shqiptare dhe biznesi i vogël paguan ekzaktësisht sa paguante me çmimin përpara krizës. Ka rënë çmimi i energjisë në tregun ndërkombëtar, por nuk është kthyer aty ku ishte. Qeveria ka pasur dhe ka vullnetin e plotë që të paguaj. Me ardhjen verës konsumi do të rritet dhe do të duhet të rihapim diskutimin e fashës. Sot për sot jemi në këto kushte që vazhdojmë të paguajnë. Nëse do të ishim duke pasur një ekonomi lënguese, ku merret një shifër aty dhe një shifër atje si ajo përralla e asaj species që donte të zbukurohej, atëherë sigurisht që kjo rritje pagash nuk mund të bëhet. Ekonomia është rritur, ndryshe nga çfarë është thënë”, tha Rama në Kuvend.
Reagimi i Duleviç
Ndërkohë që të gjithë merren me Safetin ,KESH nuk humbet kohë në shitjen e radhës❗
Sot në datën 19 Qershor KESH ka mbiprodhim energjie konkretisht 1704 MWH dhe e ka shitur të gjithë këtë mbiprodhim por a e dini sa❓
Referuar bursës Shqiptare të energjisë elektrike çmimi më i ulët për datën 19 Qershor është 90.58€/MwH.
Po ti referohemi bursës Austriake çmimi më i ulët që po shitet energjia është 119.86€\MwH
E dini që KESH shet jashtë burse? Po Po jashtë burse❗Me çmim 69€/MwH sapo i ka shitur 1704 MWH.
-21.58 € më pak se çmimi i bursës Shqiptare ose
– 50.86€ më pak sesa çmimi në bursën Austriake ❗
Prisni se nuk kam mbaruar ,për datat 20-23 Qershor ka shitur dhe 24000 MwH me çmim 85.63€\MwH
Bursë e dështuar, Drejtues të korruptuar❗
Më poshtë keni faktet⤵️
