Ministri i Punëve të Brendshme, për Kosovën, Xhelal Sveçla ka reaguar për arrestimin e shtetasit serb në veri, i dyshuar për sulmet ndaj gazetarëve në vend.
Përmes një postimi në rrjete sociale, ministri Sveçla ka shkruar ndër të tjera se kriminelët duhet të mbajnë përgjegjësit dhe të përballen me drejtësinë.
“Tre ditët e fundit, tre të arrestuar për sulmet brutale dhe kriminale ndaj gazetarëve që raportojnë nga veriu i vendit. I arrestuari i tretë, i rradhës, është Urosh Vukasinoviq. Këta kriminelë, të cilët po marrin urdhra për këto sulme nga Beogradi, tashmë do të përballen me drejtësinë. Nuk do të ndalemi, çdo përgjegjës për dhunën dhe aktet kriminale ndaj gazetarëve, do të arrestohet.
Republika e Kosovës është vend shembull i funksionimit të demokracisë, dhe nuk do të lejojmë askënd, me asnjë çmim të sulmojë qytetarët, të frikësojë raportimin e gazetarëve dhe cenojë rendin tonë kushtetues”, ka shkruar ministri ministri Sveçla.
