Një shtetas i dënuar për vrasje, ka ndërruar jetë mëngjesin e kësaj të diele në burg.
Mësohet se viktimë ka mbetur shtetasi Adem Tali nga Kukësi, i cili ishte dënuar me 35 vite burg pasi kishte vrarë gruan e tij.
Policia bën me dije se Tale ka ndërruar jetë në ambjentet e spitalit të burgut, pasi kishte pësuar një arrest kardio-respirator.
Njoftimi i Policisë:
Sot me datë 18.06.2023, në Spitalin e Burgjeve në orën 09:10 si pasojë e arrestit kardio-respirator, ka ndërruar jete në Reanimacionin e Qëndrës Spitalore të Burgjeve i dënuari Adem Tale, i datëlindjes 1943, lindur e banues në Kukës! I ndjeri ka ardhur nga IEVP Durrës dhe është shtruar në Qëndrën Spitalore të Burgjeve në datën 06.06.2023. Ai është dënuar me 35 vjet për vrasje. Drejetoria e Përgjithshme e Burgjeve menjëherë njoftoi Prokurorinë, SHKBB, oficerët e policisë gjyqësore në Komisariatin e Policisë Nr. 4 Tiranë për kryerjen e veprimeve proceduriale. Dejtoria e Përgjithshme e Burgjeve i shpreh ngushëllimet familjes së të ndjerit Adem Tale.
