Është zbuluar identiteti i këmbësorit që u përplas për vdekje nga një motor mëngjesin e kësaj të diele në afërsi të TEG-ut në Tiranë.
Viktima është Enver Kasolli, 83 vjeç, personi që shihni në foton e mëposhtme. I moshuari rezultonte i humbur që prej mbrëmjes se djeshme dhe vuante nga sëmundja e Alzhemeirit.
Kanë qenë të afërmit e tij, të cilët pas publikimit të lajmit në media kanë konfirmuar identitetin e Enver Kasollit tek uniformat blu.
Veç kalimit të palejuar në autostradë në errësirë, shkak për aksidentin dyshohet të jetë edhe shpejtësia që po lëvizte drejtuesi i motorit tip “Honda”, shtetasi me inicialet K. L.
Në skemën e krijuar nga policia në vendngjarje, dyshohet se 83-vjeçari ka qenë duke ecur anës autostradës dhe është futur papritur në aksin ku ka lëvizje automjetesh, çka si pasojë pas përplasjes gjeti vdekjen e menjëhershme. I moshuari u gjet me pultin e televizorit në duar në çastet e fundit të jetës.
