Shqipëria fitoi me rezultatin 2-0 në Air Albania përballë Moldavisë në ndeshjen kualifikuese të Grupit E.
Heronjtë e sfidës ishin Jasir Asani dhe Nedim Bajrami me golat e tyre respektivisht në minutat 52′, 76′.
Ndërkohë pas suksesit të merituar të Kombëtares, kryetari i Partisë Demokratike, Sali Berisha, me anë të një postimi në rrjetet sociale ka uruar skuadrën për fitoren.
“Një urim të përzemërt kombëtares për lojën e bukur dhe fitoren e merituar.
Urime golshënuesve Jasir Asani dhe Nedim Bajrami, kapitenit, trajnerit dhe të gjithë ekipit. #sb” – shkruan Berisha në rrjetin social “Facebook”.
