Një aksident i rëndë është regjistruar pasditen e kësaj të shtune në aksin rrugor Elbasan-Peqin, në afërsi të fshatit Bishqem.
Siç shihet dhe në foton e mëposhtme, dy automjete janë përplasur “kokë më kokë” me njëra-tjetrën. Si pasojë e aksidentit mësohet se ka humbur jetën një vajzë 6 vjeçe dhe janë plagosur 6 të tjetër
Vajza 8 vjeçe po udhëtonte me makinën tip “Golf”, me targa të Gostivarit, që drejtohej nga mamaja e saj dhe pasagjere ishte dhe motra e viktimës. Këto dy të fundit kanë mbetur të plagosur. Ndërsa, mjeti tjetër, i cili është me targa shqiptare, ka patur 4 persona brenda, të cilët po ashtu kanë mbetur të plagosur.
Dyshohet se shkak i aksidentit ka qenë humbja e drejtimit të mjetit nga shoferja e “Golfi-t”, e cila për pasojë ka dalë nga korsia e kundërt.
Policia ndodhet në vendin e ngjarjes dhe po heton për zbardhjen e shkaqeve të aksidentit.
