Një skandal raportohet se ka ndodhur në burgun grek të Koridallos, ku një të burgosuri shqiptar të paralizuar i kanë kërkuar që të paguajë vetë ilaçet.
35-vjeçari shqiptar ndodhet i sëmurë në burgun Koridallos dhe gjithnjë atij i nevojiten ilaçe për hollimin e gjakut.
Mediat e huaja shkruajnë se shqiptari nuk ka asnjë mundësi që të paguajë ilaçet në burg, pasi është i sëmurë me paralizë dhe nuk mund të punojë.
Gjithashtu dje ka humbur jetën një 63-vjeçar me origjinë bullgare. Me pranga ne duar ai është dërguar ne spital jashtë burgut po është kthyer menjëherë pasi mjekët i thanë që nuk ka ndonjë gjë për tu shqetësuar.
Në mesin e natës atë e zënë dhimbjet dhe përsëri i prangosur shkon ne spital dhe ku lë frymën e fundit.
Burgu Koridallo është një nga burgjet më me shumë probleme ku dhe numri më i madh i shqiptarëve ndodhet në godinën “D”. Theksohet se në këtë burg kanë vdekur dhe shumë shqiptarë.
