Një grabitje e dështuar është kapur nga kamerat e ÇTV në Durham të Britanisë së Madhe dhe tregon veprimin e zgjuar të shitësit në një dyqan lagjeje, i cili kap mat duke e bllokuar brenda hajdutin që mbante një thikë në dorë.
Pamjet që tregojnë grabitjen e dështuar të Malcolm Trimble janë bërë virale në rrjet, teksa ai ngec poshtë grilave metalike, deri në momentin që mbërrin policia.
Trimble hyri në dyqan duke mbajtur në dorë një thikë të madhe kuzhine të fshehur në mëngën e tij, përpara se të merrte një pako me katër pjata dhe të kërcënonte dyqanxhiun.
Punëtori trim doli jashtë dhe e mbajti derën të mbyllur, duke e zënë Trimblin brenda. Më pas ai aktivizoi me qetësi sistemin e sigurisë për të ulur grilat e dyqanit.
Duke kuptuar se ishte gati të bllokohej, Trimble më pas tentoi një rrëshqitje për të shmangur grilat në zbritje, por ai gaboi në rrëshqitje dhe pak para se të mund të çlirohej, përfundoi i mbërthyer në dysheme me kokën brenda dyqanit dhe trupin në rrugë.
Ai nuk ishte në gjendje të lëvizte pasi koka i ishte shtypur pas derës së xhamit, ndërsa pesha e grilave e lidhte për tokë.
Grabitësi ditën e djeshme u dënua me tre vjet e katër muaj burg pasi pranoi tentativën për grabitje dhe posedimin e një thike.
