Visar Meshi, 35 vjeç, humbi jetën mëngjesin e sotëm kur makina tip “BMW X5” me të cilën udhëtonte së bashku me dy persona të tjerë doli nga rruga në rrugën dytësore Tiranë-Durrës.
Dy personat e tjerë që ndodheshin në makinë, Ensid Hasanllari dhe Erenik Cakraj mbetën të plagosur dhe janë dërguar në spital për të marrë ndihmë mjekësore.
Të afërmit e tij kanë shprehur në Facebook ngushëllimet për ikjen e parakohshme të 35-vjeçarit.
“Visar, na i theve zemrat e na trishtove, te gjitha do i pranoja por jo te shkruaj mesazh lamtumire per ty”, shkruan një prej të afërmve.
“Nuk gjej dot fjalë për humbjen tënde Visar Meshi, komshi, shok dhe patriot i mirë. Tronditës ky lajm që mora sot për ty! Nuk dua ta pranoj por e vërteta e vdekjes qenka e pamëshirëshme dhe apsolute. Lamtumirë o njeri i mirë që na ike shumë shpejt”, shkruan një tjetër.
