70 punonjëse të një fasonerie në Fier kanë dalë në protestë ditën e sotme pasi janë pushuar nga puna, sipas tyre pa asnjë sqarim.
Fasoneria quhet, “Ozgun Kan Albania”, ish-punonjëset e së cilës shprehen se kishin dy muaj pa marrë rrogën dhe në rrethana të paqarta janë pushuar edhe nga puna.
Ato kanë apeluar për zgjidhje të shpejtë të kësaj situate.
Një nga punonjëset ka thënë për mediat se nuk kanë patur asnjë kontakt me administratorët e fasonerisë, pavarësisht përpjekjeve të vazhdueshme.
“Pavarësisht përpjekjeve tona të vazhdueshme për të kontaktuar administratorët e fasonerisë, asnjë kontakt nuk kemi patur me ta“.
“Shqetësimin tonë na kanë thënë ta zgjidhim në gjykatë”, janë shprehur punonjëset e pushuara nga puna, ndërsa theksojnë se nuk kanë mundësi financiare pasi jetojmë në kushte mbijetese.
